2023-nji ýylyň fewral aýynda bolup geçen ýertitremeleriniň Türkiýä ýetiren umumy zyýany 110 milliard dollar boldy. Muny ýurduň ekologiýa we şähergurluşyk ministri Mehmet Ozhaseki habar berdi we Türkiýäniň çäginiň 66% -iniň seýsmiki töwekgelçilik zolagynda ýerleşýändigini mälim etdi.
Ministr parlamentde ýolbaşçylyk edýän ministrliginiň 2024-nji ýyl üçin býujetini ara alyp maslahatlaşanda: "6-njy fewralda bolup geçen ýertitremelerinde çeken umumy ýitgilerimiziň mukdary 110 milliard dollar diýlip çaklanylýar. Ýurdumyzyň çäginiň 66% -i we raýatlarynyň 71% -i birinji we ikinji kategoriýalara degişli ýertitreme howply zolaklarda" — diýdi. Onuň sözlerine Gazete Pencere salgylanýar.
7,7 we 7,6 ball magnitudaly ýertitremeleri 6-njy fewralda Türkiýäniň günorta-gündogarynda boldy. Ýer yranmasyndan soňky müňlerçe afterşoklar giň çäklerde we goňşy ýurtlarda duýuldy. Ozal Türkiýäniň hökümeti ýertitremelerinden çekilen zyýanyň 100 milliard dollardan geçendigini habar beripdiler. Fewral aýynda bolup geçen ýertitremeler respublikany ýertitremä durnukly ýaşaýyş jaýlaryny gurmaga gönükdirilen şähergurluşyk syýasatyna täzeden garamaga mejbur etdi.
