2023-nji ýylda iň uly ykdysady üstünlikleri gazanan ýurt adyna Gresiýa mynasyp boldy. Reýting “The Economist” žurnaly tarapyndan düzüldi.
Sanaw bäş sany ykdysady we maliýe görkezijisine – esasy inflýasiýa, inflýasiýanyň giňligine (sarp ediş sebedinde harytlaryň paýy), JIÖ-e, iş orunlarynyň sanyna we fond bazarynyň görkezijilerine esaslanýar. Gresiýanyň esasy üstünliklerinden biri ýerli häkimiýetler tarapyndan geçirilen birnäçe bazar özgertmeleriniň netijesinde fond bazarynyň hakyky bahasynyň ýyllyk hasabynda 43,8% ýokarlanmagy boldy. Şeýle-de bolsa, neşir ýurduň 2010-njy ýyllaryň başynda ýüze çykan çökgünlikden öňki ýagdaýa garanda heniz garypdygyny belleýär.
Sanawda Gresiýanyň yzyndan Günorta Koreýa, ABŞ, Ysraýyl, Lýuksemburg, Kanada, Çili, Portugaliýa, Ispaniýa we Polşa ýerleşdi. 35 ýurtdan ybarat reýtingiň soňky orunlaryny Beýik Britaniýa, Şwesiýa, Slowakiýa, Awstriýa, Islandiýa we Finlýandiýa eýeledi.
