FIFA 2025-nji ýylyň Klublaýyn dünýä çempionatyna gatnaşjak toparlaryň sanawyny hödürledi. Report agentliginiň guramanyň metbugat-gullugyna salgylanyp habar bermegine görä, ýaryşa jemi 32 klub gatnaşar.
Ýewropadan ýaryşa çempionlaryň ýoly boýunça saýlanan (UEFA-nyň Çempionlar ligasyndaky ýeňiş) dört klub – “Çelsi” (Angliýa), “Real” (Ispaniýa), “Mançester Siti” (Angliýa), şeýle-de häzirki ýaryşyň ýeňijisi gatnaşar.
Reýtinge görä ýaryşa ýene sekiz topar gatnaşar, bäş klubuň ady eýýäm belli – “Bawariýa” (Germaniýa), “PSŽ” (Fransiýa), “Inter” (Italiýa), “Portu” we “Benfika (ikisi-de – Portugaliýa).
Şeýle-de, ýaryşa şular gatnaşar: “Al-Ahli” (Müsür), “Widad” (Marokko), “Al-Hilýal” (Saud Arabystany), “Urawa Red Daýmonds” (Ýaponiýa), “Monterreý” (Meksika), “Sietl Saunders” (ABŞ), “Leon” (Meksika), “Oklend Siti” (Täze Zelandiýa) hem-de “Palmeýras”, “Flamengo”, “Fluminense” (hemmesi – Braziliýa).
Täzelenen görnüşde ilkinji ýaryş 2025-nji ýylyň 15-nji iýunyndan 13-nji iýuly aralygynda ABŞ-da geçiriler. Ýaryş 2022-nji ýylyň futbol boýunça dünýä çempionaty we zenanlaryň arasynda futbol boýunça dünýä çempionaty – 2023 ýaly formatda geçiriler, ýöne üçünji orun üçin oýun bolmaz.
