Alfa Romeo geljekki täze önümi üçin saýlan adyny yglan etdi. Ykjam şäher wsedorožnigi hökmünde ornaşjak elektrik awtoulagy, 1910-njy ýylda italýan brendiniň taryhynyň başlanan şäheriniň hormatyna, Milano diýlip atlandyrylar.
Alfa Romeo Milano B derejeli model bolar - kompaniýanyň pikiriçe, Ýewropada iň islegli ulaga öwrüler. Kompaniýanyň başlygy Žan-Filipp Imparatonyň aýdyşy ýaly, täze önüm alyjylara Alfa Romeo-yň kiçi modellerini, mysal üçin, Giulietta-ny we Mito-ny halaýan, brendiň muşdaklarynyň bir bölegini yzyna getirmeli.
Milanonyň tehniki bölegi barada entek bir söz hem aýdylmady. Krossoweriň Jeep Avenger-iň dizaýnynda ulanylýan Stellantis konserniniň şol bir platformasynda guruljakdygy çak edilýär. Bu 156 at güýji bolan elektrik hereketlendirijisini we 400 kilometr ýöreýiş ätiýaçlygyny aňladýar. Avenger-iň gibrid güýç gurluşy hem bar, Milano içinden otlanýan hereketlendirijili modifikasiýany hem alsa gerek. Täze önümiň resmi taýdan çykarylmagy indiki ýylyň aprel aýyna meýilleşdirilýär; dizaýndan başga-da beýleki platformadaşlaryndan esasy tapawudy şerekete mahsus dolandyrylyşy bolmaly.
