Şu gün — 15-nji dekabrda Türkmenistanyň Baş arçasynyň çyralarynyň ýakylyş dabarasy boldy. Däp bolşy ýaly, Baş arça «Älem» medeni dynç alyş merkeziniň öňündäki meýdançada ýerleşdirildi.
Şu gezekki Baş arçanyň beýikligi 44 metr bolup, diamteri 16 metre deňdir. Ol demir sütünlerden ybarat bolup, oňa Sibirden getirilen tebigy arça şahalary birikdirildi diýip, Medeniýet ministrligi habar berdi. Arçanyň çür depesinde bolsa, Täze ýyly alamatlandyrýan ýyl ýazgysy ýerleşdirildi. Mundan başga-da, arçada türkmen senenamasyna görä, geljek ýylyň nyşany bolan balygyň şekili ýerleşdirilipdir.
Her ýyl adat bolşy ýaly, Aýazbaba we Garpamyk «Älem» medeni dynç alyş merkeziniň öňündäki meýdançada ýerleşdirilen Baş arçanyň çyralaryny ýakdylar.
