Mercedes-Benz Dubaýda kaşaň gökdirän bina gurar

  • 14.12.2023 15:12
  • 16k+

Mercedes-Benz we meşhur arap öndürijisi Binghatti Properties bilelikdäki taslamasyny yglan etdi. Mercedes-Benz-iň ýörite döredilen bölümi Mercedes-Benz Places diýlip atlandyrylýan 65 gatly kaşaň markaly gökdirän binanyň döredilişine gatnaşar. Minara nemes awtoulag öndürijisiniň bu işde ilkinji tejribesi bolar we 2026-njy ýylyň ahyryna çenli ilkinji gurply ýaşaýjylaryny kabul etmäge taýyn bolar diýip, Arabian Business habar berýär.

Gökdirän binanyň boýy 341 metre ýeter we ilkinji eskizinden çen tutsaň, daşky dizaýny Mercedes-Benz-iň nyşanlaryny ulanyp bezeler. Bina Dubaýyň merkezi böleginde ýerleşer.
Mercedes-Benz Places terrasaly, howuzly we megapolisiň esasy gözel ýerlerine bakýan, sany gaty çäkli rezidensiýalardan ybarat bolar. Mundan başga-da, “akylly öý” tehnologiýalary we beýleki intellektual çözgütler wada berilýär. Gökdirän binanyň konsepsiýasynyň awtoulag öndüriji bilen işläp düzüjiniň arasynda bir ýyl töweregi ara alnyp maslahatlaşylandygy öňe sürülýär.
Taslama barada jikme-jik maglumatlaryň 24-nji ýanwarda aýan ediljekdigi aýdylýar. Deslapky maglumatlara görä, gozgalmaýan emlägiň her öýi 8,8 million dirhemden 79 million dirhem aralygynda (2,4 milliondan dollardan 21,5 million dollar aralygynda) bahalandyrylar.


26.07.2025 17:49
4k+

Mercedes özüniň esasy C-Class Estate uniwersalyny gaýtadan işlemäge taýýarlanýar

Mersedes-Benz C-Class Estate uniwersalyny gaýtadan işlemäge taýýarlanýar. Modeliň ilkinji çykyşy 2026-njy ýylyň ortalaryna meýilleşdirilýär. Häzirki wagtda ol Günorta Ýewropada synagdan geçýär. Ogryn düşürilen suratlar awtoulagyň dizaýnyna, tehnologiýasyna we gibrid ulgamlaryna üýtgeşmeleriň girizilendigini görkezýär...

19.07.2025 06:28
2.5k+

Mersedes-Benz awtoulag hereketdekä wideo jaňlary etmäge rugsat berer

Mersedes-Benz kompaniýasy Microsoft Teams-iň üsti bilen awtoulagy togtatmazdan, wideo jaňlary etmäge mümkinçilik berýän funksiýanyň girizilendigini habar berdi. Bu täzelik nemes awtoulag öndürijisini ulag hereketdekä wideo jaňlary etmek üçin oturdylan kamera bilen ilkinji bolup üpjün edýän öndürijä öwürýär...

03.07.2025 10:54
5.1k+

Volkswagen, BMW we Mercedes sürüjisiz awtoulaglar üçin umumy programma üpjünçiligini döreder

Volkswagen, BMW, Mercedes-Benz we başga-da Germaniýanyň sekiz kompaniýasy, şol sanda Bosch we ZF awtoulaglar üçin umumy programma üpjünçiligini döretmek boýunça özara düşünişmek baradaky ähtnama gol çekişdiler...

02.07.2025 00:58
4.1k+

Mercedes arka ganatdaky kemçilik sebäpli «AMG One» giperkarlaryny yzyna çagyrýar

Mercedes-Benz kompaniýasy bilen Germaniýanyň Federal awtotransport edarasy bilelikde 275 sany nusgada öndürilen Mercedes-AMG One giperkarlarynyň 219-synyň yzyna çagyrylýandygyny mälim etdi. Bu bolsa ähli öndürilen modelleriň, takmynan, 80%-i diýmek bolýar...