Mercedes kompaniýasy awtomobilleriň salonyndaky dolandyryş ulgamyna bolan çemeleşmesini täzeden gözden geçirýär we sanly ekranlary saklap galmak bilen, esasy funksiýalar üçin fiziki düwmeleri yzyna gaýtarmaly diýen netijä geldi.
Interýeriň esasy bölegi bolan uly Hyperscreen ekrany saklanyp galar. Kompaniýanyň aýtmagyna görä, bu ekran awtomobiliň döwrebap keşbini emele getirýär, interfeýsi şahsy islege görä sazlamaga mümkinçilik berýär we ähli funksiýalary bir ýere jemleýär. Emma ulanyjylar sensor arkaly dolandyrmagyň elmydama amatly däldigini belledi. Hususan-da, awtomobil hereket edip barýarka, klimat-kontrol sazlamalary we beýleki esasy funksiýalary ýerine ýetirmekde kynçylyklar ýüze çykýar.
Netijede, Mercedes fiziki dolandyryş elementlerini yzyna gaýtaryp başlady. Ruldaky sensor panelleri adaty düwmeler we rolikler bilen çalşyrylýar. Geljekde kompaniýa iki çemeleşmäni hem utgaşdyrmagy meýilleşdirýär: ekranlar interfeýs we wizual bölek üçin jogap berer, düwmeler bolsa esasy funksiýalara çalt elýeterli bolmagy üpjün eder.
Häzirki wagtda beýleki awtomobil öndürijileri hem bu çemeleşmäni göz öňünde tutýar, sebäbi doly sensorly dolandyryşyň hakyky şertlerde onçakly amatly däldigi anyklandy.
