Halkara futbol federasiýasy (FIFA) boýunça ýylyň iň gowy oýunçylaryny we tälimçilerini sylaglamak dabarasy 15-nji ýanwarda Londonda geçiriler diýlip, guramanyň web sahypasynda habar berilýär.
Dabarada iň gowy oýunçylar, tälimçiler hem-de erkekler we zenanlar futbol toparlarynyň simwolik ýygyndylary yglan edilen, ýylyň iň gowy goly «Puşkaşyň baýragy» bilen, ýylyň iň gowy janköýeri «Fan Awards» baýragy bilen sylaglanar, şeýle hem ýeňiji bolana «Fair Play» baýragy gowşurylar.
Köp kategoriýalarda iň gowular milli ýygyndylaryň kapitanlary we baş tälimçileri tarapyndan geçirilen ses berişligiň, janköýerleriň onlaýn ses bermeginiň we köpçülikleýin habar beriş serişdeleriniň wekilleriniň arasyndaky sowal-jogabyň netijelerine görä kesgitlener.
Geçen ýyl Argentinanyň milli ýygyndysynyň kapitany Lionel Messi iň gowy oýunçy, Argentinanyň futbol toparynyň baş tälimçisi Lionel Skaloni bolsa iň gowy tälimçi diýlip ykrar edilipdi.
