2024-nji ýylyň 13 – 19-njy aprelinde Aşgabatda Demir ýollarynyň hyzmatdaşlyk guramasyna agza ýurtlaryň demir ýollarynyň baş müdirleriniň Konferensiýasynyň XXXVIII mejlisi geçiriler. Bu barada Orient habar berýär.
Bu ýokary derejeli çäre geçen ýylda ulag pudagynda gazanylan bilelikdäki üstünliklere baha bermäge, geljek üçin ugurlary kesgitlemäge we halkara demirýol jemgyýetçiliginiň özara gatnaşygy üçin täze höweslendirişe mümkinçilik berer. Aşgabatdaky forum Guramada “Türkmendemirýollary” agentliginiň agzalygynyň 30 ýyllygynyň hem nyşanyna öwrüler.
Geljekki waka Türkmenistanyň hökümeti tarapyndan işjeň alnyp barylýan ulag diplomatiýasynyň çäklerinde ýurduň öňe süren möhüm çäreleriniň yzyny dowam etdirer. Bu babatda 2023-nji ýyl aýratyn bellärlikli boldy. Şeýlelikde, 2023-nji ýylyň 16-njy maýynda BMG-niň Baş Assambleýasynyň 77-nji sessiýasynyň 70-nji umumy mejlisinde Türkmenistanyň teklibi we BMG agza döwletleriň biragyzdan goldamagy bilen 26-njy noýabry Bütindünýä durnukly ulag güni diýip yglan edýän Rezolýusiýa kabul edildi.
