Chevrolet täzelenen Tahoe we Suburban ulaglaryny tanyşdyrdy

  • 03.12.2023 16:05
  • 12k+

«Chevrolet» täzelenen «Tahoe» we «Suburban» kysymly ýolsuz ýerler üçin niýetlenen ulaglaryny (wnedoronik) tanyşdyrdy. Täze ulaglar Arlingtondaky (Tehas) «General Motors» zawodynda öndüriler. Olaryň satuwy 2024-nji ýylyň ahyrynda başlanar. Täzelenen ulaglaryň bahalary heniz yglan edilmedi.

Täzelenen «Tahoe» we «Suburban» ulaglarynyň dizaýny. Şeýlelikde, awtoulaglar täze gündizki hereket yşyklary, başga görnüşli radiator gözenegi (gara reňkli), keşbi üýtgedilen bamperler, ýalpyldawuk reýka bilen birleşdirilen yzky çyralar bilen enjamlaşdyryldy. Awtoulaglar üçin 24 dýuýmlyk teker diskleri hödürlenýär.
Tahoe» we «Suburban» ulaglarynyň salonlarynda sanly gurallar paneli  we 17,7 dýuýmlyk sensorly merkezi displeý ornaşdyryldy. Adaty geçiriş gutusynyň ýerine awtoulaglaryň rul bölüminde ýörite joýstik oturdyldy.
Şeýle hem ulaglarda awtomatiki gyssagly duruzyş (tormoz), frontal çaknyşma duýduryşy, öňki we yzky duralga ulgamlary, kör nokatlara gözegçilik mümkinçiligi we ulagy hereket zolagynda saklamak ulgamy göz öňünde tutulandyr.
Üýtgeşmeler wnedorožnikleriň tehniki tarapyna-da täsir etdi. Döwrebaplaşdyrylandan soň 3 litrlik dizel hereketlendirijisiniň kuwwaty 309 at güýjüne çenli ýokarlandy. Geçiriş gutusy – on basgançakly «awtomat». Öňkülerdäki ýaly, motor ulgamy 5,3 we 6.2 litr göwrümli benzin hereketlendirijileri öz içine alýar. Hereketlendirijileriň kuwwaty, degişlilikde, 360 we 426 at güýjüne deňdir. Ulaglaryň ähli tekerleri hereketlenýär.

düýn 22:05
1.8k+

Jaguar içinden ýandyrylýan hereketlendiriji bilen soňky awtomobilini çykarar: ol 60 nusga bilen çäklener

Jaguar içinden ýandyrylýan hereketlendiriji bilen soňky awtomobilini çykarar diýip, Carscoops habar berýär. Bu F-Pace SVR 575 Ultimate Edition krossoweriniň çäkli toplumy bolup, bary-ýogy 60 nusga hödürlener. Olar diňe Awstraliýa üçin niýetlenýär...

11.06.2025 13:59
2.6k+

Manhart awtobezeg ussahanasy Porsche 911 Turbo S-iň kuwwatyny 1000 at güýji töweregi ýokarlandyrdy

BMW awtoulaglaryna niýetlenen taslamalary bilen tanalýan nemes Manhart týuning-atelýesi Porsche 911 Turbo S-iň 992 nesli üçin üýtgeşmeler toplumyny hödürledi. Täze sazlaýyş bukjasyna TR 900 II diýilýär. Onuň kömegi bilen 3,8 litrlik oppozit hereketlendirijisiniň güýji 650-den 922 at güýjüne, torky 800-den 1090 Nm-a çenli ýokarlandy...

11.06.2025 13:53
3.4k+

BMW iýul aýyndan başlap täze awtoulaglarynyň bahasyny galdyrar

BMW 2025-nji ýylyň 1-nji iýulyndan başlap 2026-njy ýylyň model hataryndaky awtoulaglarynyň hemmesiniň diýen ýaly bahasyny galdyrar. Muňa diňe käbir modeller degişli bolmaz diýip, awtoulag öndürijisiniň dilerler üçin içerki habaryna salgylanýan CarsDirect habar berýär...

10.06.2025 12:33
3.7k+

Ford 80-nji ýyllaryň retro äheňinde, ýöne häzirki zaman aýratynlyklar bilen Mustang hödürledi

Ford 1980-nji ýyllaryň meşhur Fox Body maslkarynyň dizaýnyndan ylhamlanan FX retro-paketli  Mustang 2026-nyň ýörite wersiýasyny çykarar. Täzelenen wersiýa wintaž stiliniň elementlerini häzirki zaman tehnologiýalary bilen utgaşdyrýar...