Garward uniwersiteti we Florida uniwersiteti, degişlilikde, «Teýlor Swift we onuň dünýäsi» hem-de «Teýlor Swift we beýleki meşhur zenan aýdymçylar bilen aýdym-saz hekaýasy» atly okuw sapaklaryny geçerler. Garwarddaky ouw maksatnamasyny professor, şahyr we tankytçy Stefani Bert alyp barar. Floridadakyny bolsa Melina Himenes geçer.
2024-nji ýylda talyplar planetanyň esasy estrada ýyldyzy Teýlor Swiftiň aýdymlarynyň sözleriniň edebi kanunlar bilen nähili kesişýändigini öwrenerler. Şeýle hem bu okuwyň dowamynda Areta Frankliniň, Billi Holideýiň we Dolli Partonyň döredijiligi öwreniler.
Ondan öň Stenford, Arizona, Tehas, Kaliforniýa, Nýu-Ýork uniwersitetleri we Berkli aýdym-saz kolleji aýdymçynyň medeni mirasy boýunça sapak geçipdiler. Şeýle hormata Nikki Minaž we Bad Bunny ýaly aýdymçylar hem mynasyp bolupdylar.
