Şweýsariýanyň häkimiýetleri gyşky Olimpiadany 1,8 mlrd dollara geçirmegiň taslamasyny işläp taýýarladylar. Bu Olimpiýa hereketiniň tutuş taryhynda iň pes mukdardyr diýip, MIR 24 belleýär.
Döwlet 2030-njy ýa-da 2034-nji ýylda Oýunlary geçirmek islegi bilen ýüz tutmagy meýilleşdirýär. Bu uly çäräniň bahasyny peseltmek üçin guramaçylar täze sport desgalaryny gurmakdan ýüz öwrerler. Şol bir wagtyň özünde, ýaryşy haýsydyr bir sebitde däl-de, ýurduň dürli ýerinde geçirmek teklip edildi. Mundan başga-da, Olimpiýa obasyny döretmegiň zerurlygy bolmaz – türgenler bar bolan myhmanhanalarda ýerleşdiriler.
Şweýsariýa Olimpiadany iki gezek, 1928-nji we 1948-nji ýyllarda kabul etdi. Soňky üç arza ret edildi – ýurduň ýaşaýjylary gymmat bahaly çärä serişde harçlamak islemediler. Şeýle-de bolsa, häzirki wagtda jemgyýetçilik pikiri üýtgedi: soňky pikir soraşmalara görä, şweýsariýalylaryň 67%-i Konfederasiýanyň sport çäresiniň hojaýyny hökmünde çykyş etmegini isleýär diýip, Business Insider neşiri ýazýar.
