2009-njy ýyldan bäri Toyota gibrid güýç enjamlary bilen üpjün edilen awtomobillerinde T nyşanynda gök yşykly halkany ulanýar. Täze Camry arassa gibrid bolandygyna garamazdan, bu nyşana eýe bolmady diýip, ixbt.com belleýär.
Nyşandaky gök aksentiň deregine Toyota Camry-nyň ýük goýulýan ýerinde HEV harplarynyň gapdalynda gök nokat peýda boldy. Kompaniýa täze tegelegiň “Ýerde ýaşaýan adamlaryň bagtyny we ony indiki nesle geçirmek islegini” alamatlandyrýandygyny nygtaýar.
Täze gök nokat täze Toyota gibridlerindäki, birikdirilýän gibridlerdäki, akkumulýator batareýaly elektromobillerdäki we ýangyç elementlerinde işleýän elektromobillerdäki öňki belli nyşanyň ornuny çalşar. Bu üýtgeşmeler Camry, Crown we awtoöndürijiniň iň meşhur gibridi bolan Prius modellerinden başlaýar.
RAV4, Venza we Corolla ýaly beýleki elektrikleşdirilen awtomobiller wagtlaýyn gök logotipi saklap galdylar, sebäbi olar heniz täzelenmedi. Ýakyn wagtda olarda hem gök nokat peýda bolar.
Bu awtoöndürijiniň “önümleriniň kömegi bilen uglerod bitaraplygynyň çäginden çykmak” we “planeta hem jemgyýete oňyn täsir etmek” üçin elektrikleşdirilen ulag serişdeleriniň ulanylmagyny göz öňünde tutýan “Beyond Zero” marketing kompaniýasynyň bir bölegidir.
