Toyota tormozyndaky näsazlyk sebäpli 580 müň töweregi awtoulagyny yzyna çagyrýar

  • 23.11.2023 10:30
  • 19k+
Toyota tormozyndaky näsazlyk sebäpli 580 müň töweregi awtoulagyny yzyna çagyrýar

Ýaponiýanyň Toyota Motor kompaniýasy tormoz ulgamyny bejermek üçin 580 müň awtoulagy yzyna çagyrar. TASS bu barada NHK teleýaýlymyna salgylanyp habar berýär.

Bu ulaglaryň pedallaryndaky boltlaryň nädogry berkidilmegi, iň erbedi bolanda, tormozlaryň işlemezligine sebäp bolup biler diýlip bellenilýär. Häzirki wagta çenli näsazlyk bilen bagly hiç bir hadysa hasaba alynmady.
Tormoz ulgamyny bejermek üçin haýsy ulaglaryň yzyna çagyryljakdygy barada habar berilmeýär.
3-nji noýabrda Toyota Denso korporasiýasynyň ýangyç nasoslary oturdylan ulaglaryň agzalan nasoslarynyň näsazlyk tapmagy sebäpli 328 müň ulagy yzyna çagyrdy.

Toyota öz awtomobillerinde hususy operasion ulgamyny ulanyp başlar
30.05.2025 17:02
8.2k+

Toyota öz awtomobillerinde hususy operasion ulgamyny ulanyp başlar

Toyota awtomobiller üçin öz Arene operasion ulgamynyň üstünde işleýär. Ony indiki ýylyň mart aýynda kompaniýanyň iň meşhur modelleriniň biri bolan täze nesil RAV4 ulagyna ornaşdyrmak meýilleşdirilýär. Financial Times-yň habar bermegine görä, Arene-niň işlenip taýýarlanmagy ýedi ýyl bäri dowam edýär...

Toyota kompaniýasy GR Corolla-nyň önümçiligini Ýaponiýadan Beýik Britaniýa geçirer
28.05.2025 14:04
14k+

Toyota kompaniýasy GR Corolla-nyň önümçiligini Ýaponiýadan Beýik Britaniýa geçirer

Toyota Demirgazyk Amerikanyň bazary üçin niýetlenen GR Corolla sport hetçbeginiň önümçiliginiň bir bölegini Ýaponiýadan Beýik Britaniýa geçirer. Kompaniýa Derbişir graflygynyň Býornaston şäherindäki zawodda ýörite önümçilik hataryny döretmek üçin, takmynan, 56 mln dollar maýa goýmagy göz öňünde tutýar...

Toyota yzky çyrasynda ýüze çykan mesele boýunça 443 müň töweregi Tundra-ny yzyna çagyrýar
28.05.2025 11:38
5.1k+

Toyota yzky çyrasynda ýüze çykan mesele boýunça 443 müň töweregi Tundra-ny yzyna çagyrýar

Toyota 2022-2025-nji ýyllar aralygynda öndürilen 443 000 töweregi Tundra pikabyny yzyna çagyrýar. CarBuzz neşiriniň habar bermegine görä, yzky çyralary näsazlyk tapyp biler, ýagny bloga aralaşyp biljek çyglylyk onuň poslamagyna we döwülmegine sebäp bolup biler...

Toyota modeliň 70 ýyllygyna bagyşlap, Crown-yň ýörite wersiýasyny çykardy
25.05.2025 10:43
10k+

Toyota modeliň 70 ýyllygyna bagyşlap, Crown-yň ýörite wersiýasyny çykardy

Ýaponiýada Toyota Crown sedanynyň ýörite wersiýasy satylyp başlandy, ol modeliň 70 ýyllygyna bagyşlanýar. Bu wersiýa Crown Special Edition Z «The 70th» adyny aldy. Model Mercedes-Maybach awtomobilini ýatladýan kuzowyň iki reňkli boýagy bilen tapawutlanýar: onuň üsti Precious Metal kümüşsöw reňkinde, aşaky bölegi bolsa ak ýa-da gara perlamutrda ýerine ýetirildi...