Hytaýda dünýäde iň tiz internet işe girizildi

  • 20.11.2023 15:04
  • 8.6k+

Hytaý sekuntda 1,2 terabit (1200 gigabit) maglumat geçiriş tizligi bolan dünýäde iň tiz interneti işe girizdi. Bu taslama Sinhua uniwersiteti, «China Mobile» aragatnaşyk operatory, şeýle hem «Huawei Technologies» we «Cernet Corporation» kompaniýalary tarapyndan durmuşa geçirildi.

Rekord derejede maglumatlary geçiriş tizligi bolan optiki-süýümli internet kabeli Pekin, Uhan we Guançžou şäherleriniň üstünden çekildi. Onuň uzynlygy üç müň kilometrden geçýär. Toruň işe girizilmegi on ýyl bäri üstünde işlenilip gelinýän Hytaýyň geljekki internet tehnologiýalar infrastrukturasynyň (FITI) bir bölegi boldy.
Mundan ozal hünärmenler şuňa meňzeş maglumat geçiriş tizligi bolan tor ulgamynyň diňe 2025-nji ýylda işe girizilmeginiň başlamagynyň mümkindigini çaklaýardylar. «Huawei Technologies» kompaniýasynyň wise-prezidenti Wan Leý 1,2 terabit tizlik bilen bir sekuntda 150 sany HD formatly filmi ýükläp alyp boljakdygyny aýtdy. Bu ABŞ-daky şuňa meňzeş taslamalardan üç esse çaltdyr.
2021-nji ýylyň iýulynda Ýaponiýada simli internetiň tizligi boýunça rekord goýuldy. Inženerlere maglumatlary geçirmegiň tizligini sekuntda 319 terabite çenli ýetirmek başartdy. Ondan öňki rekord bolsa 2020-nji ýylda goýlupdy, şonda hünärmenler sekuntda 178 terabit tizlik gazanmagy başarypdylar.


30.09.2025 09:32
1.8k+

Hytaýda sosial ulgamlarda pessimistik postlary paýlaşmak gadagan edildi

Hytaýyň internet düzgünleşdirijisi sosial ulgamlarda post ýerleşdirmegiň düzgünlerini berkitdi. Indi ulanyjylara nägilelik we iňirdemek ýaly pessimistik kontentleri paýlaşmak gadagan edilýär diýip, Reuters agentligi habar berýär...

25.09.2025 20:59
17k+

Hytaýly söweş sungatynyň ussady howply rekord goýdy: gylyjy ellerini ulanmazdan pyrlady

Hytaýly söweş sungatynyň ussady Hueý-I Saý ellerini ulanmazdan uly gylyjy aýlap, Ginnesiň rekordlar kitabyna girdi. Ol bir minutda gylyjy egniniň daşyndan 28 gezek aýlap, rekord goýdy. Şol wagt onuň elleri başga iki gylyç bilen meşguldy...

22.09.2025 00:28
11k+

Hytaýda bir çapar zenany doňduryjy kamerada galmakdan halas etdi we onuň kompaniýasyndan paý aldy

Hytaýda bir çapar tötänden doňduryjyda gulplanyp galan bir zenany halas etdi. Zenan minnetdarlyk hökmünde oňa öz kompaniýasyndan paý berdi diýip, China Morning Post habar berýär. Hunan welaýatyndan Çen atly bir zenanyň logistika kompaniýasy bolupdyr...

20.09.2025 06:56
2.7k+

Disney, Universal we Warner Bros. Hailuo AI hytaý kompaniýasyny kazyýete berdi

Amerikanyň Walt Disney, Universal we Warner Bros. Discovery kino kompaniýalary Comcast korporasiýasy bilen bilelikde, emeli aň esasly şekil generatory Hailuo AI-ni döreden Hytaýyň MiniMax kompaniýasyny kazyýete berdi...