Oguz han adyndaky Inžener-tehnologiýalar uniwersitetinde kiberhowpsuzlyk boýunça hakaton geçiriler

  • 19.11.2023 12:07
  • 15k+

Türkmenistanyň Oguz han adyndaky Inžener-tehnologiýalar uniwersiteti ýurdumyzyň ýokary okuw mekdepleriniň talyplarynyň arasynda kiberhowpsuzlyk boýunça bäsleşik geçirjekdigini yglan etdi.

IT pudagynyň ýaş hünärmenleri üçin bu ýaryşlar 28-29-njy noýabrda geçiriler. Bäsleşige gatnaşmak isleýänler özleri barada maglumatlary 25-nji noýabra çenli uniwersitetiň oguzhan.edu.tm@gmail.com elektron poçtasyna ibermelidir. Bäsleşigiň şertleri bilen salgysynda has jikme-jik tanşyp bilersiňiz diýip, «Türkmenistan: Altyn asyr» elektron neşiri habar berýär.
«2019 – 2025-nji ýyllar üçin Türkmenistanda sanly ykdysadyýeti ösdürmek ýörelgesine» laýyklykda guralan «Tehniki ýumuş esasynda platforma işläp düzmek» atly hakaton kiberhowpsuzlyk pudagyndaky zehinli hünärmenleri ýüze çykarmaga, şeýle hem ulgamdaky howplar we olardan gorag usullary barada habardarlygy artdyrmaga gönükdirilendir.
Bäsleşik web programmirlemäni we sanly tehnologiýalary öwrenýän talyplara kompýuter ulgamlaryny we goşmaça programmalary açmak hem goramak boýunça dürli meseleleri çözmek arkaly maglumat howpsuzlygy ugrundaky başarnyklaryny görkezmäge mümkinçilik berer.
Türkmenistan 2019-njy ýylda milli «kiber özygtyýarlylygy» goramak we zyýanly haker hüjümleriniň öňüni almak maksady bilen, kiberhowpsuzlyk barada kanun kabul etdi. Häzirki wagtda ýurduň ministrliklerinde we müdirliklerinde maglumat tehnologiýasyna we kiber howplardan goraga jogapkär ýörite bölümler bar.
Mundan başga-da, bilim edaralary maglumat goragy we howpsuzlygy boýunça ýaş IT hünärmenlerini taýýarlaýarlar.


25.08.2025 07:38
4.6k+

Magtymguly adyndaky Türkmen döwlet uniwersitetinde bilim işgärleriniň maslahaty geçirildi

23-nji awgustda Magtymguly adyndaky Türkmen döwlet uniwersitetiniň mejlisler jaýynda ýurdumyzyň bilim işgärleriniň maslahaty geçirildi. Maslahat 2024-2025-nji okuw ýylynyň jemlerini jemlemäge hem-de täze, 2025-2026-njy okuw ýylynda öňde durýan wezipeleri ara alyp maslahatlaşmaga bagyşlandy...

22.08.2025 15:55
1.9k+

Ýaponiýanyň ilçihanasy ýapon dil bilimini bahalandyrýan synag üçin arzalary kabul edip başlady

Japanese-Language Proficiency Test (JLPT) synagyna arzalar kabul edilýär. Bu barada Ýaponiýanyň Türkmenistandaky ilçihanasy habar berdi. Hasaba alnyş 25-nji awgustan 1-nji sentýabra çenli dowam eder. Bellenilişi ýaly, synag şu ýyl ikinji gezek geçirilýär...

22.08.2025 07:45
7k+

Türkmen okuwçylary mental arifmetika boýunça dünýä rekordyny goýdular

21-nji awgustda Aşgabatda geçirilýän «Kids Expo: hemme zat çagalar üçin» atly halkara köpugurly sergi-ýarmarkasynyň çäklerinde mekdep okuwçylarynyň arasynda Mental arifmetika boýunça bäsleşikler guraldy. Türkmenistanyň...

16.08.2025 18:56
5.4k+

Türkmen talyplary Malaýziýada “Future is Now” tomusky okuw maksatnamasyna gatnaşdylar

Halkara ynsanperwer ylymlary we ösüş uniwersitetinden bir mugallym we bäş talyp 3–9-njy awgust aralygynda Malaýziýanyň öňdebaryjy ýokary okuw mekdepleriniň biri bolan Malaýa uniwersitetinde «Future is Now» atly tomusky okuw maksatnamasyna gatnaşdylar...