Airbus konserni bilen Turkish Airlines milli howa gatnadyjysy 355 sany uçar bilen üpjün etmek üçin köp milliard dollarlyk şertnama baglaşdy.
Çap edilen jikme-jikliklere görä, Turkish Airlines 345 uçar sargyt eder:
- 250 sany A321neo uçaryny;
- 75 sany A350-900 uçaryny;
- 15 sany A350-1000 uçaryny;
- 5 sany A350F ýük uçaryny.
Bu sargyt 10 sany A350-900 uçaryny ibermek baradaky öňki ylalaşygyň üstüni ýetirer. Şeýlelikde, umumy sargyt edileni 355 uçara ýetdi.
Bu şertnama awiakompaniýanyň 600 uçar sargyt etmegi maksat edinýän türk awiagatnawlarynyň ösüş strategiýasynyň bir bölegidir. Boeing hem ep-eslije sargyt alar.
Mundan başga-da, Rolls-Royce motor öndürijisiniň we Turkish Airlines-yň ýokary derejeli ýolbaşçylary Airbus A350 uçarlarynyň hereketlendirijilerine tehniki hyzmat etmek we olary ätiýaçlyk hereketlendirijiler bilen üpjün etmek meselesi boýunça Stambulda duşuşdylar.
