9-njy noýabrda Serdar Berdimuhamedowyň tabşyrygy boýunça Mejlisiň Başlygy D.Gulmanowa Filippinler Respublikasynyň Türkmenistandaky Adatdan daşary we Doly ygtyýarly ilçisi Roberto G.Manalodan ynanç hatyny kabul etdi.
Duşuşygyň barşynda ilçi ýurdumyzyň alyp barýan içeri we daşary syýasatynyň esasy ugurlary bilen tanyşdyryldy. Ählumumy parahatçylygyň, howpsuzlygyň, durnukly ösüşiň bähbidine giň halkara hyzmatdaşlygyny ösdürmek bu syýasatyň üýtgewsiz ugry bolmagynda galýar.
Filippinler Respublikasynyň doly ygtyýarly wekiline şeýle hem Mejlisiň düzümi, onuň döwletimiziň kanunçylyk-hukuk binýadyny toplumlaýyn döwrebaplaşdyrmagyň çäklerinde alyp barýan köpugurly işi barada giňişleýin gürrüň berildi diýip, Halkara habarlar merkezi habar berýär.
