Focus2move taslamasynyň maglumatlaryna görä, 9 aýyň jemi boýunça awtomobil markalarynyň global reýtinginde bazaryň 10,9%-ini eýeleýän Toyota birinji orunda barýar. Brend 6,82 mln ulag satdy, bu bolsa bir ýyl ozalkydan 3,5% köpdür. Bu barada ixbt.com habar berýär.
Ikinji orny eýeleýän Volkswagen 9 aýyň jemi boýunça 3,7 mln awtoulag satdy, bu bir ýyl ozalkydan 3,9% köpdür. Kompaniýa bazaryň 5,9%-ini eýeleýär.
Ford 2,94 mln täze awtomobil satyp, geçen ýylky görkezijisini 7,5% gowulandyrdy. Kompaniýa üçünji orny eýeleýär. Dördünji orny 2,83 mln birlik bilen Hyundai eýeleýär. Onuň görkezijisi bir ýyl ozalkydan 4,7% ýokarydyr.
Bäşinji orunda Honda ýerleşýär (2,76 mln birlik; -1,8%), onuň yzyndan Nissan (2,35 mln birlik; +4,9%), Chevrolet (2,28 mln birlik; +8,6%), Kia (2,26 mln birlik; +3,5%), Mercedes (1,74 mln birlik; +4,3%) we BMW (1,73 mln birlik; +14,6%) gelýär.
BYD satuwyny 51,3% ýokarlandyryp, iň uly ösüşi görkezdi. Ol 1,73 mln awtomobil satyp, 11-nji orny eýeledi.
