«Renault» Braziliýada täze «Kardian» krossowerini tanyşdyrdy, ol Latyn Amerikasynda we beýleki sebitlerde satylar, ýöne Ýewropada peýda bolmaz.
«B» derejeli şäher krossoweri täze modully platformada guruldy. Ol Braziliýanyň bazaryna 125 at güýjüni öndürýän 3 silindrli turbo hereketlendirijisi we iki birikdirijisi (ssepleniýesi) bolan robotlaşdyrylan transmissiýa bilen hödürlener. Başlangyç etapda awtoulagy Kuritibadaky (Braziliýa) zawodda öndürilmek, soňra bolsa Kasablankada (Marokko) onuň önümçiligini ýola goýmak meýilleşdirilýär.
Awtoulag, adatça, ýokary segmentli awtoulaglar üçin elýeterli bolan birnäçe aýratynlyklar bilen üpjün ediler. Şeýlelikde, «Kardian-da» 17 dýuýmlyk teker diskleri, sekiz sany hereket režimi we daşky yşyklandyryşyň sekiz görnüşi ornaşdyrylar. Awtoulag alty sany howa ýassygy we işjeň howpsuzlyk ulgamlary, şol sanda kör nokatlara gözegçilik etmek ulgamy bilen enjamlaşdyrylandyr.
