2023-nji ýylyň 9-10-njy noýabrynda IT, Telekommunikasiýalar we Teleradioýaýradyş boýunça “TurkmenTEL – 2023” atly halkara sergi we ylmy maslahat geçiriler diýip, “Türkmenaragatnaşyk” agentligi habar berýär. Bu forum “Connect. Innovate. Commerce” şygary astynda geçer.
Iki gün dowam etjek çärä Türkmenistanda kabul edýän tarapyň we aragatnaşygy ýola goýmak we iş alyp barmak üçin halkara maglumat-aragatnaşyk tehnologiýalary pudagynyň ýokary wezipeli adamlary ýygnanar.
“Türkmenaragatnaşyk” agentligi tarapyndan gurnalan ylmy maslahat täze tehnologiýalary hödürlemek bilen, özara maslahatlaşmak, aragatnaşygy ýola goýmak işini ýeňilleşdirmek we hyzmatdaşlygy ilerletmek üçin amatly giňişlik bolup hyzmat eder. Ylmy maslahatyň maksatnamasy halkara hyzmatdaşlyk we maýa goýum, sanlaşdyrma, hemra tehnologiýalary we kiberhowpsuzlyk meselelerine gönükdiriler.
