“Forbes” žurnaly emeli intellekte esaslanýan täze gözleg platformasynyň beta-wersiýasyny işe girizdi. “Forbesi” esaslandyryjynyň aýalynyň hormatyna Adelaide adyny alan bu gural okyjylara şahsylaşdyrylan gözlegi hödürläp, olaryň soraglary esasynda makalalary maslahat berýär we žurnalyň tematikasynyň çäklerinde berlen soraglara gysga jogap berýär.
Adelaide “Forbesiň” soňky 12 aýdaky habarlaryny we materiallaryny gurşap alýar.
“Forbesiň” baş sanly we maglumat müdiri Wadim Spuskiý bu guraly döretmegiň maksadynyň okyjylaryň maglumat gözlemäge gatnaşygyny we makalalar bilen gatnaşygyny artdyrmakdan ybaratdygyny belleýär.
Ulanyjylar makalalar boýunça teklipleri we öz soraglaryna gysgaça jogaplary almak üçin anyk soraglary ýa-da umumy temalary berip bilerler. Mysal üçin, “Nebraskada iň baý adam kim?” diýen soraga Adelaide Uorren Baffet barada maglumatlary hödürlär we ulanyjylary gyzyklandyryp biljek baglanyşykly makalalary görkezer.
