2023-nji ýylyň iýul aýynda işe girizileni bäri Threads aýda tas 100 mln işjeň ulanyjyny ýygnady. Bu barada Mark Sukerberge salgylanyp, TechCrunch ýazýar. Ýöne Meta-nyň gündelik işjeň ulanyjylarynyň sany mälim edilmeýär diýip, vc.ru belleýär.
Sukerberg traýektoriýadan örän hoşaldygyny aýdýar. Ýöne neşir aýlyk işjeň auditoriýanyň sosial ulgam üçin iň gowy görkeziji bolup bilmejekdigini ýazýar: eger ulanyjy saýta ýa-da programma bir gezek girse-de, ol “işjeň” hasaplanar.
Threads programmasy 2023-nji ýylyň 6-njy iýulynda işe girizildi, birnäçe günüň dowamynda onda 100 mln-dan gowrak ulanyjy hasaba alyndy. Ýöne tiz wagtdan sosial ulgam gündeki işjeň ulanyjylaryny ýitirip başlady – Sensor Tower-iň analitikleriniň hasabyna görä, olaryň sany işe girizilenden iki hepde soň 70% azaldy.
Awgust aýynda ähli ulanyjylar üçin Threads-yň web-wersiýasy işe girizildi. Oktýabr aýyndan sosial ulgamda publikasiýalary redaktirleme, halanan postlar bilen lenta, mazmun boýunça gözleg we beýleki funksiýalar elýeterlidir. 26-njy oktýabrda Threads GIF-faýllaryň we pikir soraşmalaryň goldawyny goşandygyny habar berdi.
