Gyrgyzystanda Şanhaý Hyzmatdaşlyk Guramasyna agza döwletleriň Hökümet baştutanlarynyň 22-nji mejlisi geçirildi. Mejlise Türkmenistanyň wise-premýeri Hojamyrat Geldimyradow gatnaşdy diýip, gyrgyz Hökümetiniň metbugat gullugy habar berdi.
Mejlise Belarus Respublikasynyň, Eýranyň, Gazagystanyň, Gyrgyzystanyň, Hytaýyň, Mongoliýanyň, Russiýa Federasiýasynyň, Täjigistanyň gem-de Özbegistanyň Hökümet ýolbaşçylary, şeýle-de Hindistanyň we Pakistanyň daşary işler ministrleri gatnaşdylar.
Mejlisiň dowamynda ŞHG-niň çäginde söwda-ykdysady, energetika, ulag we oba hojalygy ýaly ugurlarda hyzmatdaşlygy pugtalandyrmak babatda birnäçe teklipler öňe sürüldi. Hususan-da, ŞHG-niň umumy ykdysady bazaryny döretmek, ekologiýa we howanyň üýtgemegine garşy göreş meselelerine aýratyn üns berildi.
Mejlisiň jemleri boýunça 14 resminama gol çekildi. Olaryň hatarynda ŞHG-a agza döwletleriň ministrlikleriniň hem-de döwlet edaralarynyň arasyndaky hyzmatdaşlygyň geljegini öwrenmek başlangyjyny, şeýle hem 2024-nji ýylda ŞHG-niň çäklerinde «Ekologiýa ýyly» bilen bagly hereketleriň meýilnamasyny aýratyn belläp bolar.
