«Al-Nasryň» portugaliýaly hüjümçisi Kriştianu Ronaldu agyr agram derejesinde UFC-niň titulynyň öňki eýesi, garyşyk söweş sungatynyň fransuz-kamerun söweşijisi Frensis Ngannuwa, WBC-niň agyr agram derejesindäki iňlis çempiony Taýson Fýuri bilen boljak söweşinden öň, sagat sowgat etdi.
Ronaldu Ngannuwa Jacob & Co. bilen hyzmatdaşlykda çäkli sanda çykarylan Heart of Ronaldo sagadyndan sowgat berdi. Olaryň bahasy 100 müň ýewro barabardyr.
Fýuri bilen Ngannuwyň arasyndaky söweş 28-nji oktýabrda Er-Riýadda bolar.
Fýuri professional boksda 34 söweşde çykyş edip, 33 ýeňiş gazandy (24-si nokaut bilen). Taýsonyň gatnaşmagyndaky bir söweş deňme-deň tamamlandy.
Ngannu garyşyk söweş sungatynda jemi 20 söweş edip, 17 ýeňiş gazandy (12-si nokaut bilen) we üç ýeňlişe sezewar boldy.
