Hyundai elektrik ulaglary bazarynda býujet brendi bolanlygyndan bireýýäm Tesla bilen bäsleşýän dünýä belli marka öwrüldi. Günorta Koreýanyň awtoulag öndürijisiniň hataryna ýokary öndürijilikli awtoulaglardan başlap, elektrik krossowerlerine çenli ähli zat girýär. Şol bir wagtyň özünde köp adamlarda şeýle sorag döreýär: Hyundai awtoulaglary näderejede ygtybarly?
RepairPal-yň habaryna görä, Hyundai 5 baldan 4 ygtybarlylyk derejesi bolan marka. Bu Hyundai-ny Toyota ýaly ygtybarly marka edýär. RepairPal Hyundai-ny iň ygtybarly dördünji orunda goýýar we ýyllyk hyzmat üçin ortaça 468 dollar sarp etjekdigiňizi aýdýar.
Reýtingde birinji orny markanyň iň amatly we meşhur modellerinden biri bolan 2021-nji ýylyň Hyundai Accent sedany eýeledi. Bu sedanyň ygtybarlylygyna J.D. Power-iň hünärmenleri mümkin bolan 100 baldan 90 bal berýärler we onuň tehniki hyzmatyna bolsa ýylda ortaça 444 dollar gidýär.
Ikinji ýeri 2019-njy ýylyň Hyundai Sonatasy eýeledi. J.D. Power onuň ygtybarlylygyny 89/100 derejesinde kesgitleýär we tehniki hyzmatyna ýylda ortaça 458 dollar gidýär.
2015-nji ýylyň Hyundai Tucson ykjam krossoweri ilkinji üçlügi jemleýär. Onuň ygtybarlylygy 86/100, tehniki hyzmaty 408 dollar.
Iň ygtybarly Hyundai awtoulaglary:
- 2021-nji ýylyň Hyundai Accent-i;
- 2019-njy ýylyň Hyundai Sonata-sy;
- 2015-nji ýylyň Hyundai Tucson-y;
- 2019-njy ýylyň Hyundai Elantra-sy;
- 2015-nji ýylyň Hyundai Santa Fe-si;
- 2023-nji ýylyň Hyundai Santa Cruz-y;
- 2022-nji ýylyň Hyundai Palisade-i;
- 2020-nji ýylyň Hyundai Kona-sy;
- 2022-nji ýylyň Hyundai Venue-si;
- 2019-njy ýylyň Hyundai Veloster-i.
