Gismeteo meteorologiýa çeşmesiniň maglumatlaryna görä, oktýabr aýynyň soňky günlerinde Aşgabatda adaty däl maýyl howanyň bolmagyna garaşylýar. Şäheriň howasynyň kä günler +30 derejä çenli gyzmagy mümkin.
Oktýabr aýynyň ahyrynda +30 dereje Türkmenistana häsiýetli däl, sebäbi bu aýda ortaça aňrybaş temperatura +25 dereje.
Şu hepdäniň duşenbe, çarşenbe we penşenbe günleri howa salkyn bolar. Şu günler Aşgabatda iň ýokary temperatura +23 ... +25 dereje bolar.
Sişenbe güni howa +28 derejä çenli gyzar we gündelik ortaça temperatura +20 dereje bolar.
Anna, şenbe we ýekşenbe günleri türkmen paýtagtynda hakykatdanam yssy bolar. Şu günlerde termometriň sütünjigi +30 derejäni görkezer, gündelik ortaça temperatura +22 ... +24 dereje bolar.
