«Gap Inşaat Ýatyrym we Dyş Tijaret A.Ş.» türk kompaniýasy Türkmenistanyň Prezidentiniň Ahalteke atçylyk toplumynyň durkuny täzelemek, goşmaça binalary we desgalary gurmak boýunça işleri ýerine ýetirer. Degişli işleri geçirmek üçin Türkmenistanyň Prezidentiniň Diwanynyň Iş dolandyryş müdirligine türk kompaniýasy bilen şertnama baglaşmaga ygtyýar berýän resminama Türkmenistanyň Prezidenti gol çekdi.
Gurluşyk işlerine 2023-nji ýylyň oktýabr aýynda başlamak hem-de binalary we desgalary 2026-njy ýylyň aprel aýynda ulanmaga doly taýýar etmek tabşyryldy.
