«Toyota» korporasiýasy Tokiodaky sergide «FT-Se» konsept sportkaryny we «FT-3e» krossowerini tanyşdyrar. Bu barada awtoulag öndürijisiniň metbugat gullugy habar berýär.
«FT-Se» elektrik sportkarynyň taslamasy düzülende «Toyota-nyň» «Gazoo Racing» (GR) sport bölüminiň taslamalary peýdalanyldy. Kupe görnüşli ulagyň pes we giň korpusy aerodinamiki garşylygy azaltmak üçin niýetlenendir. Sürüji üçin gowy görüşi üpjün etmek maksady bilen öňdäki panel pesde ýerleşdirildi.
Awtoulagyň elektrik hereketlendiriji bilen işlejekdigi mälim edildi, ýöne awtoulag öndürijisi bu modeliň tehniki aýratynlyklaryny aýan etmeýär.
«FT-3e» krossoweri sada we gysga kuzow çyzyklary bilen tapawutlanýar. Awtoulagyň içinde sürüji ulaga ýakynlaşanda batareýanyň zarýady, salonyň temperaturasy we howanyň hili barada maglumatlary görkezýän sanly displeýler ýerleşdirildi.
