Teýlor Swiftiň «Teýlor Swift: The Eras Tour» atly film-konserti ABŞ-da ilkinji dynç günlerinde 100 million dollar gazanyp biler. Bu barada «Hollywood Reporter» habar berýär.
Bu sanlary «AMC Theatre-niň» distribýutory çaklaýar, ýöne kassa analitikleri filmiň umumy girdejisiniň 90-dan 110 million dollar aralygynda boljakdygyny çaklaýarlar.
Taýlor Swiftiň filmi eýýäm ilkinji anna güni «Möý adam: öýe ýol ýok» (prokatyň ilkinji gününde 39,2 million dollar) bilen deň derejede 39 million dollar gazandy. Şeýle hem ol «Jokerden» (39,4 million dollar) soň oktýabr aýynda çykarylan ikinji iň gowy girdejili anna güni filmi boldy.
Şol bir wagtyň özünde, «THR» filmiň «Jokerden» (96,2 million dollar) öňe geçse, Demirgazyk Amerikanyň taryhynda oktýabr aýynyň iň gowy ilkinji görkezilişe öwrülmäge mümkinçiliginiň bardygyny belleýär.
Mundan başga-da, Swiftiň filminiň ähli döwürlerde iň köp girdeji gazanan film-konsert boljakdygy kepillendirilýär.
