«Subaru» ýapon awtoulag öndürijisi «BRZ» sport kupesiniň ikinji neslini Italiýa bazaryna çykardy we bu waka üçin modeliň çäkli ýörite görnüşini taýýarlady. Bu barada Motor1 habar berýär.
«Blue Pearl» diýlip atlandyrylýan gök reňk öwüşginine boýalan bu awtoulagyň öňünde we yzynda spoýlerler oturdyldy, 18 dýuýmlyk ýeňil «OZ Racing Ultraleggera Race Gold» teker diskleri bilen üpjün edildi, olarda bu ýörite wersiýasynyň ady – ýapon dilinden terjime edilende «dag geçelgesi» diýmegi aňladýan «Touge» ýazgysy ýerleşdirldi. Her tekeriň agramy 8,7 kg-dyr.
«Subaru BRZ Touge» diňe 6 basgançakly mehaniki geçiriş korobkasy we öz-özüni bloklaýan diferensial bilen elýeterlidir. Awtoulag 231 at güýji kuwwaty bolan 2,4 atmosfera benzin hereketlendirijisi bilen enjamlaşdyrylandyr.
«Subaru BRZ Touge-nyň» Italiýa bazary üçin niýetlenen ýörite wersiýasy 60 nusgada çykarylar, awtoulagyň bahasy 49,5 müň ýewro bolar.
