«Jaguar» ýangyç hereketlendirijileri bolan sport ulaglarynyň döwrüni tamamlajak çäkli mukdardaky «Jaguar F-type ZP Edition» ulagynyň çykarylandygyny habar berdi.
«F-type ZP Edition-yň» bary-ýogy 150 sany nusgasy «Jaguar» tarapyndan döredilen iň soňky ýangyç bilen işleýän sport awtoulagy bolar. 575 at güýji kuwwaty bolan V8 hereketlendirijileri oturdylan bu benzinli «F-type» «SV Bespoke-iň» şahsylaşdyryş (personalizasiýa) boýunça hünärmenleri tarapyndan ýörite işlenip düzülen interýer we eksterýer aýratynlyklary bilen tapawutlanýar» diýlip, kompaniýanyň beýanynda aýdylýar.
«Jaguar» 2025-nji ýyla çenli diňe elektrikli awtoulag önümçiligine geçmegi meýilleşdirýär. «F-type ZP Edition-yň» gapylaryndaky ak tegelek şekiller 1961-nji ýylda bazara çykarylan we dizaýnynyň meşhur nyşanyna öwrülen «Jaguar E-type» sport awtoulagynyň mahabat kampaniýasyna degişlidir. «E-type» ulaglarynyň biri Nýu-Ýorkuň häzirki zaman sungat muzeýiniň ýygyndysyna girizildi.
«Jaguar F-type» nesliniň çäkli mukdarda öndürilen hoşlaşyk seriýasy ak reňkli oktan radiator gözenegi, 20 dýuýmlyk tekerler we salonyň goşmaça gara bezegleri bilen üpjün edildi. ulagyň gapdal gyralarynda, gapysynyň bosagasynda we dolandyryş panelinde awtoulagyň çäkli seriýa degişlidigini görkezýän ýazgylar bar. Şeýle hem awtoulagda 1 – 150 aralygynda haýsy seriýa degişlidigini görkezýän belgiler ýerleşdiriler.
