Gyrgyzystanyň paýtagty Bişkekde noýabr aýynyň ortalarynda GDA-nyň Parlamentara assambleýasynyň mejlisi geçiriler. Trend-iň belleýşi ýaly, bu barada Bişkekde geçirilen GDA-nyň döwlet baştutanlarynyň Geňeşiniň mejlisiniň jemi boýunça GDA-nyň Baş sekretary Sergeý Lebedew habar berdi.
“16-17-nji noýabrda, şu ýerde, Bişkekde GDA-nyň Parlamentara assambleýasynyň mejlisi geçiriler. 8-nji dekabrda Gyrgyzystan Respublikasynyň baştutanlygynda GDA-nyň Ykdysady geňeşiniň mejlisini geçirmek meýilleşdirilýär. Men heniz geçirilmeli çäreleriň hem mynasyp, guramaçylykly we iň esasysy, GDA-nyň çäginde integrasion hyzmatdaşlygy berkitmek üçin netijeli geçiriljekdigine ynanýaryn” – diýip, Lebedew belledi.
Lebedew Gyrgyzystan Respublikasynyň hökümeti, Daşary işler ministrligi we çen bilen 26-njy oktýabrda Bişkekde hökümet baştutanlarynyň Geňeşiniň mejlisine hödürlenjek ylalaşyklary we şertnamalary taýýarlamak üçin jogapkär ykdysady gurluşlar bilen bilelikde işjeň işleriň alnyp barylýandygyny belledi.
