Geljek bäş ýylyň dowamynda bazarda ýeten zeperi özbaşdak düzedip biljek displeýli smartfonlar peýda bolar. Bu barada CCS Insight kompaniýasynyň analitiklerine salgylanyp, CNBC ýazýar.
Hünärmenler tehnologiýa trendleri baradaky hasabatda täze görnüşli ekranlaryň plýonka ýaly çyzyklary we beýleki kemçilikleri bitirmäge ukyply bolan nano-örtük bilen üpjün ediljekdigini nygtaýarlar.
Täze nesliň smartfonlarynyň üstünlik gazanmagynyň esasy faktory sarp edijiler tarapyndan “garaşmalary dogry kesgitlemekdir”. Analitikleriň çaklamalary boýunça, 2028-nji ýyla çenli şeýle ekranlar adaty ýagdaý bolar. Şeýle-de bolsa, hünärmenleriň aýdyşy ýaly, döwlen ekranyň öz-özünden dikelmegine garaşmaly däldir. Täze işläp taýýarlama diňe ýüzleý çyzyklary düzedip biler.
CNBC-niň belleýşi ýaly, öz-özünden dikelmäge ukyply displeýleri döretmek ideýasy täze däl. 2013-nji ýylda LG korpusyň yzky böleginde öz-özünden dikelýän örtük bolan G Flex smartfonyny hödürledi. Ýöne kompaniýa bu tehnologiýanyň işleýşi barada jikme-jik maglumat bermedi.
