ABŞ-da Toyota Crown 2023 howpsuzlyk synagyndan geçirildi we bu sedan özüni örän gowy görkezdi. Synaglaryň netijesinde ol Top Safety Pick+ baýragy bilen sylaglandy. Bu barada ixbt.com habar berýär.
ABŞ-nyň Ýol howpsuzlygynyň ätiýaçlandyryş instituty öň we gapdal urgularda “gowy” bahany berdi, iň ýokary baha hem gündiz, hem gije deň derejede netijeli bolan “maňlaý” çaknyşygynyň öňüni alyş ulgamy üçin berildi.
Diňe XLE başlangyç wersiýasynda Toyota Crown 2023-iň faralarynyň synagy birneme gowşak boldy: bu ugurda ol “kanagatlanarly” baha aldy. Limited we Premium wersiýalarynda faralaryň işleýşi gowy bahalara mynasyp boldy.
Toyota Crown 2023-nji ýylyň modeli hökmünde 2022-nji ýylyň iýul aýynda ABŞ-da ilkinji gezek görkezildi. Bu sedan iki güýç gurluşy bilen hödürlenýär. XLE we Limited wersiýalarynda – bu iki elektrik hereketlendirijisi we e-CVT wariatory bilen 2,5 litrlik dört silindrli motordyr, Platinum wersiýasynda bolsa 2,4 litrlik turbinaly motor, iki elektromotor we 6 basgançakly “awtomat” ulanylýar. Iň ýokary güýç gurluşynyň kuwwaty 340 at güýjüne deň.
