«Toyota» 2024-nji ýyl üçin niýetlenen «Toyota Prius» ulagyny tanyşdyrdy. Ol daşky keşbi boýunça geçen ýylky nusgadan tapawutlanmaýar, oňa ujypsyz üýtgeşmeler girizildi we bahasy has gymmatladyldy.
Öňdäki tekerleri hereketli «LE-niň» bahasy indi 28745 dollardan başlaýar, bu geçen ýylkydan 300 dollar gymmatdyr. Bu nesil «LE», «XLE» we «Limited» nusgalaryndan ybarat, olaryň her biri Öňdäki tekerleri hereketli ýa-da ähli tekerleri hereketli görnüşde hödürlenýär. Iň uly wersiýanyň bahasy 36960 dollar.
Ulagyň kuzowynda «Zero Beyond» nyşany peýda boldy, «Toyota» munuň «uglerod-bitarap geljege ýakynlaşmakda global tagallalary» alamatlandyrýandygyny belleýär. Mundan başga-da, multimediýa ulgamynda «Apple Music» we «Amazon Music» müşderileriniň hasaplaryny awtoulagyň maglumat-dynç alyş ulgamyna birikdirmäge mümkinçilik berýän funksiýa bar.
Täze wersiýada «ýakymly we tapawutly» täze gulplama we gulpdan açma sesi bar. Kompaniýa sesiň belent-pesliginiň maglumat-dynç alyş ulgamynda sazlanyp bilinjekdigini belleýär.
2024-nji ýyl üçin niýetlenen «Prius» alty reňkde hödürlenýär: «Wind Chill Pearl», «Cutting Edge», «Guardian Gray», «Midnight Black Metallic», «Supersonic Red» we «Reservoir Blue». Awtoulag 194 at güýji kuwwaty bolan, ähli tekerleri hereketli nusgalarda bolsa 196 at güýjüni öndürýän 2 litrlik gibrid hereketlendiriji bilen üpjün edildi.
2024-nji ýyl üçin niýetlenen «Toyota Prius» noýabr aýynda dilerlere paýlanar.
