«Redmi Note» enjamlary dünýäde iň meşhur «Android» smartfonlarynyň hataryndadyr, ýöne onuň käbir modelleri has meşhurdyr. Bu ýyl «Redmi Note 12 5G» şeýle meşhurlyga eýe boldy: «Xiaomi» bu modeliň beýleki «Android» smartfonlaryndan öňe geçip, 2023-nji ýylda satuwynyň 1 million enjama ýetendigini habar berdi.
Bu netije şu ýylyň ýanwar – iýul aýlary aralygyndaky statistika maglumatlaryna esaslanýar. Ýagny, bu döwürde «Android» bilen işleýän hiç bir smartfon hem bazara «Redmi Note 12 5G» ýaly üstünlikli çykmady.
«Redmi Note 12 5G» «SoC Snapdragon 4 Gen 1-de» çipi bilen işleýär, enjam Full HD+ durulygy we kadr ýygylygy 120 Hz bolan 6,67 dýuým diagonally AMOLED ekrany, 48, 8 we 2 MP durulygy bolan datçikli kameralar we 5000 mA/sag sygymly akkumulýator bilen üpjün edilendir.
