Nike ABŞ-da ýetginjekler üçin iň islegli eşik brendi bolmagynda galýar

  • 11.10.2023 16:49
  • 4k+

Piper Sandler tarapyndan ýylda iki gezek geçirilýän pikir soraşmanyň  netijelerine görä, ABŞ-ly ýetginjekler şahsy çykdajylaryny ýylda 1% we 2023-nji ýylyň ýazy bilen deňeşdirilende 4% azaltdy.

Ýetginjekleriň ýyllyk çykdajylary adam başyna ortaça 2316 dollar. Şol bir wagtyň özünde, ýetginjek oglanlar çykdajylaryny 11%, gyzlar -  8% azaltdylar.
“Nike Inc.” yzly-yzyna 12 ýyl bäri ýetginjekleriň arasynda iň meşhur egin-eşik we aýakgap brendi bolmagynda galýar. Egin-eşik segmentinde Nike pikir soraşma gatnaşanlaryň 35% -i tarapyndan halanýan marka diýlip yglan edildi (lululemon 6% bilen ikinji, American Eagle - 4% bilen üçünji), aýakgap segmentinde - 61% (Converse kedylary 9%, adidas - 7%, New Balance - 3%) islegli marka boldy.
Umuman aýdanyňda, ýetginjekler geýim üçin ýylda 563 dollar sarp edýärler (ýyl bilen deňeşdirilende -4%), ýöne gyzlar, oglanlara garanyňda, ortaça 180 dollar köp sarp edýärler. Kosmetika, derä ideg etmek we hoşboý ysly atyrlar üçin ortaça çykdajy ýylda 23% ýokarlanyp, 324 dollara ýetdi, esasanam, kosmetika serişdelerine çykdajylar 33% -den 127 $ -a çenli ýokarlandy.
ABŞ-ly ýaşlaryň arasynda iň meşhur kosmetika markasy e.l.f. – pikir soraşma gatnaşanlaryň 29% -i tarapyndan atlandyryldy. Olaryň, takmynan, 13%-i seýrek gözellik markasyny, 6% -i – Maybelline-ny bellediler. Iň halanýan atyr öndürijisi Bath & Body Works (31%), derä ideg ediş önümleri - CeraVe (37%), saça ideg ediş önümleri - Olaplex (8%) boldy.
Amazon.com Inc. reýtingini 55% -e çenli ýokarlandyryp, iň köp girilýän onlaýn söwda platformasy bolmagynda galdy. Ikinji orunda 12% bilen Hytaýyň Shein onlaýn geýim dükany durýar.
Çik-fil-A restoran zynjyry, pikir soraşma gatnaşanlaryň 16% -i tarapyndan iň gowy görülýän restoran diýlip atlandyryldy, ýetginjekleriň 14% -i Starbucks kofehanalar zynjyryny, 9% -i Makdonalds-y saýlady. Iýmit önümleriniň arasynda iň meşhur markalar Goldfish krekerleri we Lays çipsileri (hersi 13%) boldy.
Ýetginjekler iki esasy platformada wideo tomaşa edýärler - Netflix (29.1%) we YouTube (28,7%), Hulu akym hyzmaty bolsa bary-ýogy 7,7% reýting bilen üçünji ýeri eýeledi. Ýaşlaryň iň köp girýän sosial ulgamy, Snapchat -dan (28%) öňe geçen TikTok (38%) boldy.
Garaşylyşy ýaly, ýetginjekleriň arasynda iň meşhur aýdymçy Teýlor Swift boldy, aktýor Adam Sendler garaşylmadyk ýagdaýda ikinji ýeri eýeledi. Ilkinji 5-ligi repçi Dreýk, aktýor Raýan Reýnolds we ýene bir repçi Kanye West tamamlady.
Piper Sandler gözlegiň çäginde 49 ştatdaky 9,2 müň ýetginjekden pikir soraşdy, jogap berenleriň ortaça ýaşy 15,7 ýaş, olaryň maşgalalarynyň ortaça ýyllyk girdejisi 70,7 müň dollar boldy.


düýn 19:46
4.4k+

NikeSKIMS: Nike we Kim Kardaşýan zenanlar üçin täze sport egin-eşik brendini döretdi

Nike kompaniýasy Kim Kardaşýanyň Skims brendi bilen hyzmatdaşlykda döredilen täze - NikeSKIMS sport egin-eşik brendini işe girizýär. «Zenanlary sporty söýmäge höweslendirer ýaly, şeýle-de olarda özlerine bolan...

16.02.2025 23:56
1.7k+

ABŞ-da ýeralma frisiniň tagamynda dodak boýagy döredildi

ABŞ-da üýtgeşik kosmetika önümi – ýeralma frisiniň tagamynda dodak boýagy çykaryldy. Ol Aýdaho ştatynyň Ýeralma ösdürmek boýunça komissiýasy tarapyndan döredildi we “Fransiýanyň posasy” romantiki adyna eýe boldy...

15.02.2025 15:04
8.8k+

Nýu-Ýorkda haýwanlar tarapyndan çekilen suratlar auksionda satylar

Nýu-Ýorkdaky haýwanat bagy haýwanlar tarapyndan döredilen suratlary satmak üçin auksion geçirer. Edaranyň sosial ulgamlarynda eýýäm käbir işler görkezildi diýip, UPI agentligi ýazýar. 15-nji martda haýwanat bagy...

13.02.2025 23:59
5.2k+

Golliwudda ilkinji gezek zenanlar baş keşpleri ýerine ýetirmek boýunça erkekler bilen deňleşdi

San-Diýegodaky Kaliforniýa ştatynyň uniwersiteti (SDSU) Golliwudyň kinofilm pudagy boýunça jyns deňligi barlagynyň ýyllyk täze netijelerini çap etdi. Barlaga görä, 2024-nji ýylda iň köp girdeji getiren blokbasterleriň...