Saud Arabystanynyň Futbol Federasiýasy Halkara Futbol Federasiýasyna (FIFA) 2034-nji ýyldaky dünýä çempionatyny geçirmek üçin arza berdi. Bu barada federasiýanyň metbugat gullugy habar berdi.
Metbugat gullugynyň beýannamasynda: "Bu resmi arza! Biz FIFA-a 2034-nji ýylyň futbol boýunça dünýä çempionatyny geçirmek üçin arza iberdik. Bu FIFA-nyň 70-den gowrak agza-birleşikleriniň goldawyny alanymyzdan soň äden ilkinji ädimimizdir" -diýilýär.
FIFA 4-nji oktýabrda diňe Aziýa we Okeaniýa ýurtlarynyň 2034-nji ýyldaky dünýä çempionatyna ýer eýeçiligini edip biljekdigini habar berdi. 2026-njy ýyldaky dünýä çempionaty ABŞ-da, Kanadada we Meksikada geçiriler. 2030-njy ýyldaky dünýä çempionatynyň esasy ýer eýeleri Ispaniýa, Portugaliýa we Marokko bolar, ýaryşyň açylyş oýny Urugwaýda, ondan soňky iki oýun Argentinada we Paragwaýda bolar.
