Türkmenistanda mekdep okuwçylary üçin ABŞ-da bir ýyllyk okuw üçin «FLEX» bäsleşiginiň güni, wagty we ýeri belli boldy

  • 04.10.2023 09:59
  • 16k+

Halkara bilim boýunça amerikan geňeşlikleri ABŞ-nyň Hökümeti tarapyndan maliýeleşdirilýän ýokary synp mekdep okuwçylary üçin «FLEX» maksatnamasynyň 2023-2024-nji ýylda geçiriljek bäsleşiginiň rejesi barada habar berdi. Ol «Türkmenistan» gazetinde çap edildi.

Synaglaryň rejesi

  1. Balkan welaýaty, Türkmenbaşy ş., 15-nji oktýabr, 2023 ý., 09:00, Türkmenbaşy ş., 10-njy mekdep;
  2. Balkan welaýaty, Balkanabat ş., 22-nji oktýabr, 2023 ý., 09:00, Balkanabat ş. 3-nji mekdep;
  3. Daşoguz welaýaty, Daşoguz ş., 29-njy oktýabr, 2023 ý., 09:00, Daşoguz ş. 2-nji mekdep.
  4. Mary welaýaty, Mary ş. 5-nji noýabr, 2023 ý. 09:00, Mary ş., 19-njy mekdep;
  5. Lebap welaýaty, Türkmenabat ş. 12-nji noýabr, 2023 ý. 09:00, Türkmenabat ş., 2-nji mekdep;
  6. Ahal welaýaty we Aşgabat şäheri 26-njy noýabr, 2023 ý. 09:00, Aşgabat ş., 20-nji mekdep.

Bäsleşigiň ýeňijileri 2024-2025-nji okuw ýylynyň dowamynda kabul edýän amerikan maşgalalarynda ýaşamaga we ABŞ-nyň orta mekdeplerinde okamaga mümkinçilik alarlar. Bu bolsa türkmenler bilen amerikanlaryň özara düşünişmegini ösdürmäge ýardam eder.
Gitmek-gelmek we ABŞ-da ýaşamak bilen bagly bolan ähli harajatlary ABŞ-nyň Döwlet departamenti tarapyndan meýilleşdirilýän «FLEX» maksatnamasy dolulygyna öz üstüne alýar.
Fiziki mümkinçiligi çäkli okuwçylar hem bäsleşige gatnaşmaga çagyrylýar. Bäsleşige gatnaşmaga isleg bildirýänleriň ählisi aşakdaky talaplara laýyk gelmeli:

  • bäsleşige 2006-njy ýylyň 15-nji martyndan 2008-nji ýylyň 31-nji maýy aralygynda doglan okuwçylar gatnaşyp bilýärler. Ýöne 11-nji synpda okaýan, harby gulluga gitmeli okuwçylar maksatnama gatnaşyp bilmeýärler;
  • häzirki wagtda orta mekdepde okaýan;
  • mekdepdäki ýetişigi gowy bolan, iňlis dilinde gowy gürlemek we ýazmak ukyplaryna eýe bolan;
  • soňky bäş ýylyň içinde ABŞ-da üç aýdan köp ýaşamadyk;
  • ABŞ-nyň wizasyny almak üçin talaplara laýyk gelýän; Türkmenistanyň raýaty bolan okuwçylar.

Bäsleşige gatnaşmaga isleg bildiren okuwçylar synaga ýany bilen hökmany ýagdaýda dogluş hakyndaky şahadatnamasynyň asyl nusgasyny ýa-da pasportyny, ýakynda düşülen 3x4 ölçegli bir fotosuratyny, ruçka alyp gelmelidir we mekdep lybasynda bolmalydyr.
Bellik: öz şäherinde «FLEX» maksatnamasyna gatnaşyp bilmedik okuwçylar Aşgabat şäherinde geçiriljek «FLEX» maksatnamasynyň 1-nji tapgyryna gatnaşyp bilerler. Ýöne bäsleşigiň 1-nji tapgyryna ýylda bir gezek gatnaşmaga rugsat berilýär.
Goşmaça maglumat üçin Amerikan geňeşlikleriniň Aşgabatdaky edarasyna ýüz tutup bilersiňiz:
Tel.: (+99312) 36-90-16;
(+99363) 50-20-36.

http://americancouncilstm.org/flex/

 


24.06.2025 00:28
3.9k+

Türkmenistanda arap diliniň fonetikasy we maglumat tehnologiýalary boýunça täze okuw kitaplary çykaryldy

Türkmen döwlet neşirýat gullugy Türkmenistanyň Bilim ministrliginiň teklibi boýunça ýurdumyzyň ýokary okuw mekdepleri we umumy bilim berýän orta mekdepleri üçin täze okuw kitaplaryny çykardy. “Arap diliniň fonetikasy”...

23.06.2025 01:32
8.9k+

Türkmenistanyň 14 sany ýokary okuw mekdepleri «THE Impact Rankings-2025» dünýä reýtinginiň sanawyna girdi

Türkmenistanyň ýokary okuw mekdepleriniň 14-si «THE Impact Rankings-2025» atly her ýyl çap edilýän täsir etmegiň ählumumy reýtinginiň ýedinji neşirinde orun aldy. Bu ýokary okuw mekdepleri «Times Higher Education (THE)» Britan guramasynyň garaşsyz halkara bilermenleriniň ykrarnamasyna eýe boldular...

20.06.2025 20:00
2.1k+

Türkmenistanda “Ýaş žurnalistiň döredijilik mekdebi” atly okuw gollanmasy neşir edildi

Ýakynda Türkmen döwlet neşirýat gullugy “Ýaş žurnalistiň döredijilik mekdebi” atly okuw gollanmasyny neşir etdi. Magtymguly adyndaky Türkmen döwlet uniwersitetiniň Žurnalistika kafedrasynyň uly mugallymy, Türkmenistanyň...

13.06.2025 17:37
7.1k+

Balkanabatda mugallymlaryň festiwaly geçirildi

Balkanabat şäherinde “Kämil mugallym – kämil nesil” atly mugallymlaryň festiwaly geçirildi. Türkmenistanyň Bilim ministrliginiň hem-de “Kämil Bilim” okuw merkeziniň bilelikde guramagynda geçirilen bu çäre ýurdumyzyň günbatar sebitiň orta mekdeplerinde bilim berýän mugallymlaryň ýüzden gowragyny bir ýere jemledi...