BYD dünýä bazarynda eýýäm Hyundai, Ford, Chevrolet we beýleki kompaniýalardan öňe geçdi

  • 01.10.2023 23:54
  • 18k+

TrendForce analitik merkeziniň maglumatlaryna görä, awgust aýynda 37 esasy bazarda umumy awtomobil satuwy 5,55 mln birlige ýetdi. Şeýle ösüşiň netijesinde aýda awtomobil satuwy boýunça brendleriň ilkinji onlugyna Toyota, Volkswagen, Honda, BYD, Hyundai, Ford, Chevrolet, Suzuki, Kia we Nissan girdi. Bu barada ixbt.com habar berýär.

Hytaýyň BYD awtoöndürijisi Hyundai-dan we Ford-dan öňe geçip, dördünji orny eýeledi. Awgust aýynda BYD aýlyk hasabynda awtomobil satuwynyň 5% ösüşi barada habar berdi. Şol bir wagtyň özünde, kompaniýa üçünji orny eýelän Honda-nyň yzyndan ýetmek üçin bary-ýogy 0,1% kemlik etdi.
Şol bir wagtyň özünde Ford-yň satuwy aýlyk hasabynda 6,7% peseldi, netijede ol altynjy orna düşdi.
Dünýäniň awtomobil bazarynda esasy oýunçylaryň biri bolmak bilen Hytaý 2023-nji ýylyň awgust aýynda öz awtomobil bazarynda ýokary görkezijileri bermegi dowam etdirdi. Hytaýyň Ýeňil awtomobiller assosiasiýasynyň (CPCA) maglumatlaryna görä, aýda jemi 1,92 mln täze awtomobil satyldy.
Hytaýyň bazarynda agdyklyk nukdaýnazaryndan, BYD 230 077 awtomobil satyp, 11,98% bazar paýyny gazanmak bilen aýda iň üstünlikli awtomobil brendi boldy. Volkswagen Hytaýda iň köp satylýan brend hökmünde ikinji orny saklady: umumy satuw göwrümi 195 548 awtomobil bolup, bu 10,18% bazar paýyna deňdir. Toyota 155 491 sany satylan awtomobil ýa-da 8,10% bazar paýy bilen üçünji orny eýeledi.
Honda 102 105 awtomobil satyp we bazaryň 5,32%-ini eýeläp, dördünji orunda ýerleşdi. Bäşligi 82 243 awtomobil we 4,28% bazar paýy bilen Changan jemleýär.
Häzirki wagtda BYD-yň paýy artýar. Soňky 12 aýda kompaniýa Hytaýdan daşary 150 000-den gowrak awtomobil eksport etdi. BYD-yň analitikleri şu ýyl kompaniýanyň eksport göwrüminiň 250 000 – 300 000 awtomobile ýetjekdigini çaklaýarlar.


düýn 11:37
4.2k+

Toyota Land Cruiser Prado-nyň täze gibrid wersiýasyny çykardy: hem tokda, hem dizelde

Toyota kompaniýasy Land Cruiser Prado ulagynyň gibrid wersiýasyny tanyşdyrdy. Bu ulag modeliň Ýewropa bazary üçin niýetlenilen elektrikleşdirilen ilkinji görnüşidir. Täze 48-woltlyk gibrid ulgam, häzirki wagtda adaty Prado modellerinde ulanylýan 2,8 litrlik dizel hereketlendirijiniň binýadynda döredildi...

25.06.2025 11:44
25k+

Üç müň awtoulagly gämi Ýuwaş ummanynda üç hepdeläp ýanandan soň suwa çümdi

3048 awtoulagy alyp barýan "Morning Midas" gämisi, üç hepdeläp dowam eden ýangyndan soň, Ýuwaş ummanynda suwa çümdi. Ekipaž agzalarynyň hiç biri zyýan çekmedi, ýöne 70 sany elektromobil we 681 sany gibrid awtoulagy hem öz içine alýan ähli ulaglar gämi bilen bilelikde suwuň düýbüne gitdi...

20.06.2025 18:37
8.4k+

Tesla elektrokar önümçiligini togtadar: satylmadyk ulaglary ýerleşdirmäge ýer galmady

30-njy iýundan Tesla Tehasdaky zawodynda elektromobil önümçiligini bir hepdelik togtadar. Bu islegiň pese gaçmagy we satylmadyk awtomobilleriň uly möçberde üýşmegi bilen baglanyşykly boldy. Öndürilen, ýöne satylmadyk ulaglary saklamak üçin bolsa goşmaça parklary kärendesine almaly diýip, Electrec ýazýar...

20.06.2025 09:48
3.2k+

BMW-niň öňki dizaýnerinden täze Xiaomi YU7 elektrokrossoweri çykmaga taýýarlanýar

Xiaomi müşderilere ikinji awtomobilini – YU7 modelini hödürlemäge taýýarlanýar. Önümçilik eýýäm başlady we müňlerçe ulag Pekiniň Içžuan sebitindäki Xiaomi-niň zawodynda taýýar dur. Üpjünçilik iýul aýynda başlap biler...