Ýaponiýanyň öňdebaryjy awtokonserni bolan Toyota-nyň awgust aýynda önümçilik we satuw göwrümi bu aý üçin rekord boldy. Bu barada korporasiýanyň hasabatynda aýdylýar diýip, TASS habar berýär.
Şeýlelikde, önümçilik göwrümi 798 müň awtomobil bolup, bu 2022-nji ýylyň degişli döwründäki görkezijiden 4,1% köpdür. Şol bir wagtyň özünde, satuw möçberi 9,8% ýokarlanyp, 853 müň birlige ýetdi.
Geçen ýyl Toyota Daihatsu we Hino golçur kompaniýalary bilen bilelikde 10,48 mln awtomobil satyp, dünýäde awtomobil satuwy boýunça yzygider üçünji ýyl birinji orny eýeledi.
