Bütindünýä boks geňeşiniň (WBC) agyr agram derejesiniň çempiony Taýson Fýuri şu ýylyň ahyrynda Saud Arabystanynda ýene bir tutluşyk geçirip biler. Britaniýaly boksçynyň menejeri Spenser Braun bu barada «The Fight with Teddy Atlas» YouTube kanalynda habar berdi.
«Men häzirki wagtda bolup geçýän ähli zatlary aýan edip bilmerin, ýöne Täze ýyl arzuwlaryňyzyň sanawynda agyr agram derejesinde görmek isleýän bir söweşiňiz bar bolsa, islegiňiz hasyl bolup biler. Şuny aýdaýyn: saudlylar Täze ýyly hemmeler üçin hakyky baýrama öwrerler. Meniň aýdyp biljek ähli zadym şu» diýip, Braun belledi.
Iň köp garaşylýan tutlyşyklaryň biri hem Fýuri bilen WBA, WBO we IBF boýunça has agyr agram derejesinde dünýä çempiony ukrain Aleksandr Usikiň arasyndaky söweşidir. Taraplar mart aýynda söweş barada ylalaşyp bilmediler, olar girdejini paýlaşmak barada gutarnykly karara gelip bilmediler. Boksçylar soň birek-biregi açgözlikde aýypladylar.
Fýuri indiki söweşini 28-nji oktýabrda Saud Arabystanynyň paýtagty Er-Riýadda UFC-niň öňki çempiony Frensis Ngannu bilen geçirer.
