Werstappen ýeňişli ýola gaýdyp geldi

Singapuryň Gran-prisinde rekordly ýeňiş tapgyrynyň arasy kesilenden soň, niderlandiýaly Maks Werstappen “Formula-1” çempionatynyň Ýaponiýada geçirilen tapgyrynda ýene-de ýeňşe gaýdyp geldi. “Red Bulluň” sürüjisi “Suzuka” awtodromynda geçirilen Gran-priniň ýeňijisi boldy. Ikinji bolup pellehana “Maklareniň” sürüjisi Lando Norris geldi. Liderleriň üçlügini hem “Maklareniň” sürüjisi Oskar Piastri jemledi.

Ýaryşyň jemi boýunça “Red Bull” özüne 2023-möwsüminde Konstruktorlaryň kubogynda möhletinden ir ýeňşi kepillendirdi.

Ýaponiýanyň Gran-prisi. Ýaryşyň netijesi:

1. Maks Werstappen (“Red Bull”) – 53 aýlaw;
2. Lando Norris (“Maklaren”) +19,387;
3. Oskar Piastri (“Maklaren”) +36,494;
4. Şarl Lekler (“Ferrari”) +43,998;
5. Lýuis Hemilton (“Mersedes”) +49,376;
6. Karlos Saýns (“Ferrari”) +50,221;
7. Jorj Rassell (“Mersedes”) +57,659;
8. Fernando Alonso (“Aston Martin”) +1:14,725;
9. Esteban Okon (“Alpin”) +1:19,678;
10. Pýer Gasli (“Alpin”) +1:23,115.