“Nýukasl” Angliýanyň Premýer-ligasynyň (APL) bir oýunda sekiz dürli oýunçysy gol salan ilkinji topary boldy. Bu barada gazeta.ru belleýär.
Rekord 8:0 hasabynda tamamlanan “Şeffild” bilen geçirilen oýunda goýuldy. “Nýukasl” üçin Şon Longstaff, Den Bern, Swen Botman, Kallum Uilson, Entoni Gordon, Migel Almiron, Bruno Gimaraýns, Aleksander Isak gol geçirdi.
“Nýukasl” häzirki möwsümde iň uly ýeňşi gazandy hem-de 2022/23-möwsüminde garşydaşynyň derwezesine sekiz gol salmagy başaran ilkinji topar boldy.
Angliýanyň çempionatynyň ýaryş jedwelinde “Nýukasl” dokuz utuk bilen sekizinji orny eýeleýär. “Şeffild” bary-ýogy bir utuk bilen 20-nji orunda ýerleşýär. Çempionatda “Mançester Siti” öňdebaryjydyr (18), ikinji orny “Liwerpul” (16), üçünji orny “Braýton” eýeleýär (15).
Indiki tapgyrda “Nýukasl” “Býornli” toparyna garşy oýnar. Duşuşyk 30-njy sentýabrda geçiriler. Toparlar meýdança Aşgabat wagty bilen sagat 19:00-da çykarlar.
