Climate Action Against Disinformation koalisiýasynyň ýakynda geçiren seljermesi esasy sosial ulgam platformalarynyň klimatyň üýtgemegi baradaky nädogry maglumatlary ýeterlik derejede moderasiýa edip bilmeýändigini görkezdi. Baha berlen platformalaryň arasynda iň ýokary baha Pinterest eýe boldy - 12 bal, onuň yzyndan TikTok – 9 bal, Facebook we Instagram gelýär – 8 bal. YouTube alty bal gazandy. Ýöne X (öň, Twitter ady bilen belli bolan) bary-ýogy bir bal alyp, reýtingde iň pes orny eýeledi.
Geçen ýyl X kompaniýasynyň klimatyň üýtgemegini inkär edýän mahabatyň gadagan edilýändigini yglan edendigine garamazdan, 2022-nji ýylda kompaniýanyň Ilon Mask tarapyndan satyn alynmagyndan soň bu syýasatyň berjaý edilişi näbelli boldy. Gözlegçiler X-iň klimat baradaky nädogry maglumatlara garşy göreşmekde alyp barýan hereketleri babatynda aýdyň syýasatynyň we aç-açanlygyň ýokdugy baradaky netijä geldiler.
