Germaniýanyň günortasyndaky Wemding şäherinde “Wagt piramidasyny” gurmak dowam etdirilýär diýip, “The New York Times” habar berýär. Muny knife.media ýetirýär. Bu ýerli suratkeş Manfred Laberiň 3183-nji ýylda tamamlanmaly bolan taslamasydyr.
Piramida 1993-nji ýyldan bäri on ýylda bir gezek goşulýan 120 beton blogundan ybarat. Netijede, beýikligi 7 metre golaý uly desga emele geler.
Taslamany oýlap tapan suratkeş 2018-nji ýylda aradan çykdy, ýöne onuň ölüminden soň şäher häkimiýetleri sungat eserini maliýeleşdirmek üçin Wemdingiň “Wagt piramidasy” gaznasyny döretdiler.
Taslama wagtyň dürli nesillere edýän täsirini öwrenýär. Şäher ýaşaýjylarynyň biri 1993-nji ýyldan bäri her beton blogynyň goýluş dabarasyna gatnaşýandygyny aýtdy.
