Ýaponiýanyň premýer-ministri Kisida Fumio Birleşen Milletler Guramasynyň Durnukly ösüş maksatlarynyň durmuşa geçirilmegine goşant goşandygy üçin Global Goalkeeper Award baýragyna mynasyp boldy. Bu barada NHK World Japan teleýaýlymy habar berýär.
Bill we Melinda Geýtsiň gaznasy bu baýragy garyplygy ýok etmegi, ýokary hilli bilimi ýaýratmagy we ekoulgamlary goramagy öz içine alýan Durnukly ösüş maksatlaryna goldaw bermek üçin döretdi.
Çarşenbe güni Nýu-Ýorkda geçirilen dabarada Kisida bu baýragy Microsoft kompaniýasynyň egindeş esaslandyryjysy Bill Geýtsiň elinden aldy.
Gazna Ýaponiýanyň premýer-ministriniň Hirosima şäherinde geçirilen “Uly ýediligiň” sammitinde Durnukly ösüş maksatlary baradaky çekişmelere ýolbaşçylyk edendigini belledi.
