«Chrysler» «Pacifica» miniweniniň 2024-nji ýyldaky nusgasyny tanyşdyrdy we awtoulag bazaryndaky bu görnüşiň döredilmeginiň 40 ýyllygyny ýatlatdy, diýip «Motor1» habar berýär.
«Plymouth Voyager» miniweniniň önümçiligi 1983-nji ýylyň noýabr aýynda «Chrysler» korporasiýasynyň Kanadadaky zawodynda başlandy. Amerikan awtoulag öndürijisi şol wagt awtoulag bazaryna mikroawtobusyň giňligini we ýeňil awtoulagyň dolandyrylyşyny özünde jemleýän maşgalalar üçin niýetlenen ulagy hödürledi. Soňra miniwenler beýleki iri awtoulag kompaniýalarynyň öndürýän görnüşleriniň hatarynda peýda boldy.
«Chrysler Pacifica 2024-de» gyssagly kömek gulluklarynyň ýakyndaky ulaglary we ýoldaky howplar barada sürüjä duýduryş funksiýasy bolan kämilleşdirilen media ulgamy ornaşdyryldy. Şeýle hem miniwen gyzyl we çal reňklerde hödürlenýär, onuň salony hem täzeçe usulda bezelendir.
