Türkmenistan FIFA-nyň täzelenen reýtinginde iki basgançak aşak düşdi

FIFA resmi saýtynda 21-nji sentýabrda milli ýygyndy toparlaryň täzelenen sanawyny çykardy. Täzelenen sanawda Türkmenistanyň milli ýygyndysy öňki — 20-nji iýuldaky sanawdaky ýerinden iki setir aşak düşüp, 140-njy orny eýeledi. Häzirki wagtda milli ýygyndymyz 1086 utuk toplap, Ruanda bilen Burundiniň arasynda ýerleşýär.

Belläp geçsek, sentýabr aýynda Türkmenistanyň milli ýygyndysy iki sany ýoldaşlyk duşuşygyny geçirdi. 8-nji sentýabrda Türkmenistanyň futbol boýunça milli ýygyndysy myhmançylykda Indoneziýadan 2:0 hasabynda utuldy. 12-nji sentýabrda BAE-de Bahreýniň milli ýygyndysy bilen geçirilen duşuşyk bolsa 1:1 hasap bilen deňme-deňlikde tamamlandy.
Argentina sanawda dünýäniň lideri bolmagyny dowam edýär.
Reýtingde ilkinji onluk şundan ybarat:

1. Argentina
2. Fransiýa
3. Braziliýa
4. Angliýa
5. Belgiýa
6. Horwatiýa
7. Niderlandlar
8. Portugaliýa
9. Italiýa
10. Ispaniýa